| مفاعیلن مفاعیلن مفاعیلن مفاعیلن |
| مدینے کی فضا تک تم رسائی مانگتے رہنا |
| محمد کی وِلَا تک تم رسائی مانگتے رہنا |
| خدا کی ہے رضا بس مُصطفیٰ کی ہی رضا لوگو |
| رضائے مصطفیٰ تک تم رسائی مانگتے رہنا |
| خدا کا فیصلہ بھی مصطفیٰ کا فیصلہ ہی ہے |
| حَقِیْقَت کی نَوَا تک تم رسائی مانگتے رہنا |
| خَزَانے مُصطفیٰ کے یہ خَزَانے سب خدا کے ہیں |
| خَزانوں کی حِرا تک تم رسائی مانگتے رہنا |
| مریضوں کی شفا ہیں اور طبیبوں کے مسیحا آپ |
| مریضو! اس شفا تک تم رسائی مانگتے رہنا |
| بنائے جب خدا حاجت روا ان کو غلاموں کا |
| نبی حاجت روا تک تم رسائی مانگتے رہنا |
| رِدا رحمت کی رب نے مُصطفیٰ کو ہے بنایا آپ |
| سدا رب کی رِدا تک تم رسائی مانگتے رہنا |
| قَبَا میں وہ چھپا لیں گے خطائیں مجرمو ! اُس دن |
| قیامت کو قَبَا تک تم رسائی مانگتے رہنا |
| کھلیں گی مُشکْلیں ان کے اشارے سے سبھی اس دن |
| اسی مُشْکِل کُشا تک تم رسائی مانگتے رہنا |
| خدا کا نور ہیں وہ اور سِراجِِ دو جہاں بھی ہیں |
| جہاں کی اس ضیا تک تم رسائی مانگتے رہنا |
| نَظَر ان کی اٹھے عرشِ عُلا بھی وجد میں آئے |
| نَظَر کے اِنْتِمَا تک تم رسائی مانگتے رہنا |
| ہِدایت بھی وِلایت بھی کَرامت بھی ملے سب کو |
| سَخاوت کی صبا تک تم رسائی مانگتے رہنا |
| بنا کر نور ان کا یہ بتایا کھول کر سب کو |
| خدا سے حق نُما تک تم رسائی مانگتے رہنا |
| رسولوں کو ملے تھے معجزے یہ معجزہ سارا |
| خدا کے معجزہ تک تم رسائی مانگتے رہنا |
| نبی ہیں مُقْتَدی، نورِ مُجَسَّم مُقْتَدَا سب کے |
| رِسالت کے سَمَا تک تم رسائی مانگتے رہنا |
| خدا نے انبیا کا سِلْسِلَہ ان پر کیا ہے بند |
| ہُدا کی اِنْتِہا تک تم رسائی مانگتے رہنا |
| قیامت کو شفاعت کا مِلا منصب خدا سے آپ |
| شفیعِ مجتبٰی تک تم رسائی مانگتے رہنا |
| خدا مِدحت کرے اس کے مَلائک بھی ہمیشہ ہی |
| سدا ان کی ثنا تک تم رسائی مانگتے رہنا |
| غموں سے چاہتے ہو اب خلاصی تم اگر رضْوِی |
| مُجَسَّم غَمزُدَا تک تم رسائی مانگتے رہنا |
| مدینے تک رسائی چاہتے ہو تم ارے رضْوی |
| سگِ در کی سَرا تک تم رسائی مانگتے رہنا |
| کہاں مِدحت سرائی کا سلیقہ رضْوِی کو آئے |
| درِ اَحمد رضا تک تم رسائی مانگتے رہنا |
| کلام ابو الحسنین محمد فضل رسول رضوی کراچی |
معلومات