| سلطانِ دہر آقا دارین کے دل جاں ہیں |
| ہیں زینتِ ہستی بھی اور جانِ گلستاں ہیں |
| جس نورِ فروزاں سے دارین ہوئے روشن |
| وہ شمعِ ہدایت ہیں اور صاحبِ قرآں ہیں |
| رحمت ہیں خدائی پر احسانِ سخی سرور |
| مختارِ زماں دلبر دکھ درد کے درماں ہیں |
| مبداء خلق آقا برہان ہیں قدرت کی |
| سرکار سخی داتا دلدارِ غریباں ہیں |
| وہ ابر ہیں رحمت کے ہر دل میں قرار اُن سے |
| کافور کریں ظلمت انوارِ درخشاں ہیں |
| دل جاں کو سرور آیا سرکار کے آنے سے |
| محسن ہیں خدائی کے اکرام کے باراں ہیں |
| دلدار نبی سرور کونین میں راحت ہیں |
| محمود کریمی کے ممنون دل و جاں ہیں |
معلومات