| ہر ایک بات پہ تعریف کی جو خُو کرتے |
| نہ بات بات پہ کچھ لوگ ہاؤ ہُو کرتے |
| ہمارا ظرف کشادہ نہ دیکھ پاتے گر |
| ہمارے سامنے ساقی نہ پھر سبُو کرتے |
| نہیں ہے بزم میں جب اذن لب کشائی کا |
| سلے ہیں لب تو بھلا کیسے گفتگو کرتے |
| جو ہوتا شوق تو سنتے فسانۂ چاہت |
| چمن میں جا گُل و بلبل کو روبرو کرتے |
| ہمیں تلاش نہ تھی اس حسین کی ورنہ |
| نظر پھرا کے تماشائے رنگ و بُو کرتے |
| ہمیں خدا نظر آتا ہے لطف پر مائل |
| اسی لئے تو ہیں ، پانے کی جستجُو کرتے |
| نہ حسن کھینچتا وہ اس قدر اگر دل کو |
| تو اس کی ہم بھلا کیوں اتنی آرزو کرتے |
| ہر ایک بات میں ان کی ملاتے ہاں میں ہاں |
| تو ہم سے دوستی طارق ، یہی عدُو کرتے |
معلومات