| رہ نورد انساں ہے گرچہ وقتِ دوراں کے حضور |
| کھل گئے اسرارِ حق پر راہِ عرفاں کے حضور |
| اک تبسّم، اک نگاہِ لطف نے سب کچھ کیا |
| چاند بھی خم کھا گیا اُس نازِ نازاں کے حضور |
| دل کے اندر بس گئی وحدت کی روشن آگہی |
| آنکھ کو جلوہ ملا اُس خاص ایماں کے حضور |
| زخمِ دل سے کھل گئے اسرارِ ہستی کے حجاب |
| پھول جب کھِلتے گئے اُس عشقِ پنہاں کے حضور |
| خواب کی تسکین ہے، جاں کی تڑپ بھی ساتھ ہے |
| دل کی ویرانی نکھر اُٹھی ہے جاناں کے حضور |
| کشف میں آیا عدم کا مختصر خاکہ مگر |
| آگئی ہے بے یقینی لطفِ ایقاں کے حضور |
| موج دریاؤں میں چلتی ہے بصورت قافلہ |
| ہو تلاطم میں سمندر بھی تو وجداں کے حضور |
| حسنِ فطرت عہد کرتا ہے وفا کا تا ابد |
| وقت رکھتا ہے قدم اُس مہرِ تاباں کے حضور |
| مارگاہِ شوق میں ہے وصل کی وادی جدا |
| شمع بھی جل کر پڑی ہے نورِ سوزاں کے حضور |
| تیرگی ہو یا سحر، یہ تو اُسی کی ہے عطا |
| اک نظر میں سب سمٹ جاتا ہے رحماں کے حضور |
| رنگِ ہستی دُور ہو کر حُسن کی سمت آ گیا |
| سب فنا ہو کر رہا ہے تیرے پیماں کے حضور |
| پیار بھی ہے، ذکرِ حق بھی، مستیِ عرفان بھی |
| یعنی طارقؔ مل گیا سب اُس کے فیضاں کے حضور |
معلومات