| جو سیرتؐ کے مطابق زندگی اپنی کھپاتے ہیں |
| وہی سچے مسلماں ہونے کا اعزاز پاتے ہیں |
| اخوت کے علمبردار آقاؐ کے ہیں پیروکار |
| غلام مصطفؐی خوشبو سے گلشن کو سجاتے ہیں |
| علامت ہے یہ ختم المرسلیںؐ ہونے کی واضح تر |
| "شب اسری ستارے نعت احمدؐ گنگناتے ہیں" |
| کبیدہ رہتے دنیا سے جنہیں عشق محمدؐ ہو |
| صمیم قلب میں عقبی کی ہی فکریں بساتے ہیں |
| وطیرہ ہے یہی پروانہ ء سرکارؐ کا ہر دم |
| ہزاروں درد سینے میں چھپا کر مسکراتے ہیں |
| نبیؐ کا تھامتے دامن بلا شک وہ یہاں ناصؔر |
| جو سرگشتہ ہوں سیدھا راستہ ان کو دکھاتے ہیں |
معلومات