| یہ دوراں چل رہا ہے الطاف سے نبی کے |
| بکھر سنبھل رہا ہے الطاف سے نبی کے |
| قصہ یوں مختصر ہے سنتے ہیں غور سے یہ |
| گردوں ٹہل رہا ہے الطاف سے نبی کے |
| اجرام سب فلک میں ان کے مدار سارے |
| یہ چرخہ چل رہا ہے الطاف سے نبی کے |
| منظر فضائے ہستی اس میں حسیں تغیر |
| یہ سب بدل رہا ہے الطاف سے نبی کے |
| مجھ کو ستا رہی ہے یادِ مدینہ ہمدم |
| یہ دل مچل رہا ہے الطاف سے نبی کے |
| بطحا کو جانے والے اس دل کو ساتھ لے جا |
| دھک دھک یہ ہل رہا ہے الطاف سے نبی کے |
| محمود چھوڑ باتیں انساں کے فلسفوں کی |
| ہر کام چل رہا ہے الطاف سے نبی کے |
معلومات