| جب بھی ہو میری تمہیں خاص طلب آ جانا |
| کبھی بچوں کو ملانے کے سبب آ جانا |
| یہ جو ہم کو ہے پڑا کام چلو رہنے دو |
| ہاں ا گر میری ضرورت پڑے تب آ جانا |
| رو پڑا سن کے میں حالات ترے لوگوں سے |
| اب کے میں آپ سے کہتا ہوں کہ اب آ جانا |
| مان لیتا ہوں ترے پاس ابھی وقت نہیں |
| یہ تو کر سکتے ہو فرصت ملے جب آ جانا |
| دن تری یاد میں آنکھوں سے وہ گرنا آنسو |
| رات خوابوں میں یہ رخسار یہ لب آ جانا |
| گو کہ بیمار کا احوال نہ پوچھا تم نے |
| اب جنازے پہ گزارش ہے کہ سب آ جانا |
| رب کی تقسیم ہی ہے مہر مبشر بزمی |
| شوخی تیرے, مرے حصے میں ادب آ جانا |
معلومات