| کبھی جنوب کبھی یہ شمال بخشا ہے |
| ہر اِک بشر کو ہی ہجر و وصال بخشا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تمام شہر کی آنکھوں میں تم ہی رہتے ہو |
| تُمہیں خُدا نے غضب کا جمال بخشا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| خدا کا شکر کہ اب ساتھ ہی رہیں گے ہم |
| بڑے ہی پیار سے اس نے یہ سال بخشا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اُسی کے واسطے ساری عبادتیں میری |
| عطا اسی کی ہے جس نے یہ مال بخشا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تمام شہر میں دستِ شفا کے چرچے ہیں |
| تمہارے ہاتھوں میں ایسا کمال بخشا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| وہ ناچتا ہے تو پنچھی بھی گنگناتے ہیں |
| خدا نے سادھو کو ایسا دھمال بخشا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہوا بھی جھوم کے لیتی ہے اُس کے بوسے یہاں |
| کہ جب سے پھول نے تتلی کو گال بخشا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تمام رنج و الم ہیں اسی کے ہاتھوں میں |
| گزر گیا میرا ماضی یہ حال بخشا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| وہ میرے حلقہِ اِدراک میں نہیں آتا |
| مرے جواب کے بدلے سوال بخشا ہے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ذرا سی دیر میں ہم کیا سے کیا ہوئے مانی |
| ہمیں یہ کیسا دلِ بے قرار بخشا ہے |
معلومات