| زلفِ سیاہ یار کے خمدار دیکھ کر |
| میں دیکھتا ہی رہ گیا اک بار دیکھ کر |
| کل اک انا پرست یہ کہنے لگا مجھے |
| احسان تم کیا کرو معیار دیکھ کر |
| جام و سبو شراب سے کچھ بھی نہ ہو سکا |
| مخمور ہو گیا ہوں رخِ یار دیکھ کر |
| اوہام سو طرح کے مرے دل پہ چھا گئے |
| تیری نگاہِ ناز کے اطوار دیکھ کر |
| ہر شام و صبح زلف و رخِ یار ہیں بہم |
| سوبار دیکھا یار کو اک بار دیکھ کر |
| میں تیرے شوقِ دید میں بیمار ہو گیا |
| آجا اے جانِ من مجھے بیمار دیکھ کر |
| مغرور مجھ کو اس لیے کہتا ہے یہ جہاں |
| کرتا ہوں گفتگو جو میں کردار دیکھ کر |
| اپنوں کے ظلم و جبر سے احسنؔ اداس تھا |
| اور اس کو رو رہے تھے یاں اغیار دیکھ کر |
معلومات