| چمن میں دیکھ کے اُس کو جو مسکرایا تھا |
| مرے لئے وہ وہی پھول توڑ لایا تھا |
| میں گھر بناتے ہوئے وہ درخت کیوں کاٹوں |
| کہ تیز دھوپ میں اس کا ہی مجھ پہ سایہ تھا |
| الگ ہوا ہوں جو دنیا سے پھر یقین ہوا |
| جسے سمجھتا تھا گھر اپنا وہ پرایا تھا |
| گیا ہے جب وہ حسیں یاد اپنی چھوڑ گیا |
| کسی نے ساتھ مرا یوں بھی تو نبھایا تھا |
| صدا وہ کانوں میں رس گھولتی ہے جب اس نے |
| میں سو گیا تو بڑے پیار سے جگایا تھا |
| کٹھن سفر تھا بہت زیست کا مگر اس نے |
| جو تھک گیا تو مجھے گود میں اٹھایا تھا |
| سفر کٹھن تھا بہت زیست کا مگر اس نے |
| جو تھک گیا تو مجھے گود میں اٹھایا تھا |
| میں کیسے چھوڑدوں انگلی ہمیشہ ہی جس نے |
| قدم قدم پہ مجھے راستہ دکھایا تھا |
| وہ جس کی کوکھ سے میں نے جنم لیا طارق |
| اسی نے دل میں دیا پیار کا جلایا تھا |
معلومات