| کہتا ہے کھل کھلا کہ یہ کعبہ علیؑ علیؑ |
| جس کا تھا انتظار وہ آیا علیؑ علیؑ |
| آدمؑ ہوں نوحؑ ہوں کہ ہوں موسیٰؑ کہ ہوں مسیحؑ |
| مشکل میں دیکھو سب نے پکارا علیؑ علیؑ |
| کرتے ہیں لوگ ہم کو مٹانے کی کوششیں |
| زندہ ہیں نام لے کہ تمھارا علیؑ علیؑ |
| بنتی نہ کائنات، نہ ہوتا بھی کوئی شخص |
| آتے نہ گر جہاں میں یہ مولا علیؑ علیؑ |
| روشن مقدروں کا منور ہے سائباں |
| جس کی زباں کا ورد رہا یا علیؑ علیؑ |
| عشقِ علیؑ نے مجھ کو بھٹکنے نہیں دیا |
| جنّت میں آگیا ہوں میں کہتا علیؑ علیؑ |
| وجہِ خدا ہیں نفسِ نبیؐ کفوِ سیدہؑ |
| جب بھی ہے لکھا نام تو لکھا علیؑ علیؑ |
| دہلیزِ مرتضیٰؑ سے وفائیں نہ ہٹ سکیں |
| اُن کے لئے ہے کعبے کا کعبہ علیؑ علیؑ |
| پھیلا ئے دامن جگنؤے خلوت ہے کہہ رہا |
| وجدان میں ہے جلوتِ اللہ علیؑ علیؑ |
| صائب ہے کرتا رہتا سفر دو جہان کا |
| ہے صبح وشام اُس کا وظیفہ علیؑ علیؑ۔ |
معلومات