| اہلِ دل کی یہ نصیحت یاد رکھ |
| دل خدا کی یاد سے آباد رکھ |
| جو دُکھائے دل اسے بھی شاد رکھ |
| سوچ کو اپنی ذرا آزاد رکھ |
| وعظ یہ اقبالؔ کا تو یاد رکھ |
| ”عشق پر اعمال کی بنیاد رکھ“ |
| إنما الأعمال بالنيات کا |
| پڑھ سبق اور زندگی بھر یاد رکھ |
| تیری بھی ہو گی دعا اک دن قبول |
| تو زباں پر جاری بس فریاد رکھ |
| اب مریدی چھوڑ دے طاغوت کی |
| اہلِ دل کو ہی فقط استاد رکھ |
| عیب ہیں جتنے وہ سارے بھول جا |
| خوبیاں لوگوں کی بس تو یاد رکھ |
| تیرے آگے وادیِ کہسار ہے |
| دل میں اپنے جذبۂ فرہاد رکھ |
| فکرِ دنیا میں نہ ہو اتنا مگن |
| چھوڑ کر جانا ہے دنیا یاد رکھ |
| دل یہ مردہ ہو چلا حسانؔ اب |
| ذکرِ حق سے اس کو تو آباد رکھ |
معلومات