| جو آرزو ہیں مولا دارین میں ہیں برتر |
| اور جستجو ہے جن کی روشن ہیں اُن سے اختر |
| بے چینیاں جدا ہیں جو روندیں ما سوا ہیں |
| دیدار مصطفیٰ سے ہو جان و دل منور |
| عکسِ جمالِ یزداں حسنِ حبیب والا |
| ڈالے جو بے خودی میں دائم ملے یہ ساغر |
| اس جلوہ گاہِ کی میں دیکھوں جلق اے مولا |
| جس جا کرے تجلیٰ پوری جمالِ دلبر |
| فیضِ نبی عوامی تو نے کیا دہر میں |
| قادر وہ ظرف دے اب دیکھے جو حسنِ سرور |
| مفقود لامکاں میں سارے زماں دہر کے |
| تابندہ ہے وہاں بھی قصرِ دنیٰ مقرر |
| معراج رات عقدہ اک عرش پر کھلا تھا |
| کامل وجود میں تھے اس جا حبیب دلبر |
| مولا فدا ہوں اُن پر میری جو آئیں نسلیں |
| اور نوکری نبی کی ہو آل کا مقدر |
| آئے ہوا چمن میں الطافِ مصطفیٰ سے |
| محمود جو کرے پھر سارا جہاں معطر |
معلومات