| اب یادِ رفتگاں کے سوا کچھ نہیں بچا |
| چنگ و رباب و نغمہ سرا کچھ نہیں بچا |
| بیٹے کی جان کے لئے ماں بھینٹ چڑھ گئی |
| آنکھوں کی شرم رنگِ حنا کچھ نہیں بچا |
| محشر میں فرقِ ادنیٰ و اعلیٰ ہؤا عیاں |
| شاہ و گدا و زِلّہ ربا کچھ نہیں بچا |
| سب جانتے ہیں رنگِ کلیسا و برہمن |
| مسلک کی آبرو کے سوا کچھ نہیں بچا |
| شب ختم ہو گئی ہے سحر پھوٹتی نہیں |
| مرغانِ خوش اذاں کی نوا کچھ نہیں بچا |
| موسم کی آب و تاب کو بادل نے آلیا |
| سورج کے پاس رشکِ ضیا کچھ نہیں بچا |
| سہمے ہوئے ہیں کوچہ و بازار شہر میں |
| واللّہ بجز ز حرص و ہوا کچھ نہیں بچا |
| آیا تھا اک فقیر صدا کر چلا گیا |
| ضربِ کلیم بانگِ درا کچھ نہیں بچا |
| اس عالمِ بسیط میں تیری بساط کیا |
| رشتوں کی لاج مہر و وفا کچھ نہیں بچا |
| کیا سانس لینے ہی کو فقط زندگی کہیں |
| نقدِ حیات جہد و بقا کچھ نہیں بچا |
| 3 |
| 10 |
معلومات