| عشق میں گر جو تم روا ہوتے |
| درد دل کی مرے دوا ہوتے |
| ساتھ ہوتے جو بن کے میرے تم |
| میری باتوں کا مدعا ہوتے |
| بات کرتے جو ان کے مطلب کی |
| پھر نہ وہ ہم سے یوں خفا ہوتے |
| یوں نہ مجھ کو دھکیلتے غم میں |
| تم اگر غم سے آشنا ہوتے |
| ہاں میں ہاں گر ملاتے رہتے ہم |
| ان کی نظروں میں بے خطا ہوتے |
| کتنی اچھی سحر نمو پاتی |
| کاش کے وہ بھی باوفا ہوتے |
| ہجر گر کرتے نا مسلط وہ |
| بن کے لب پر مرے دعا ہوتے |
| جام الفت اگر پلاتے تو |
| میکدے کے وہ ساقیا ہوتے |
| آج وہ ہوتے ساتھ میں ذیشان |
| زندگی بھر کا آسرا ہوتے |
معلومات