| چلے ہم وہاں سے نظارے بدل کر |
| فلک پر سجائے ستارے بدل کر |
| اکیلے سفر پر رواں ہو گئے ہم |
| زمانے کے جھوٹے سہارے بدل کر |
| حدیثِ وفا کو رقم کر دیا ہے |
| جدائی کے موسم گزارے بدل کر |
| نگاہوں سے ان کی ہوئی بات ایسے |
| خموشی کے سارے اشارے بدل کر |
| بھنور میں خوشی سے اترنے لگے ہم |
| سفینوں کی منزل کنارے بدل کر |
| ادا ہو گئی ہیں رسومِ جفا سب |
| کئی زخم دل میں اتارے بدل کر |
| لبوں پر تبسم سجاتا رہا وہ |
| نگاہِ غضب کے شرارے بدل کر |
| محبت کے قصے سرائے میں جب تھے |
| نئے نام سب نے پکارے بدل کر |
| تجارت میں دل کی بچایا ہے کیا کیا |
| کئی فائدے لیے خسارے بدل کر |
معلومات