| اس درد کو لفظوں میں بیاں کیسے کروں میں |
| جو ہو نہیں سکتا ہے عیاں کیسے کروں میں |
| اس سوچ میں بیٹھا ہوں میں اشک سمیٹے |
| جو روک نہ پائوں گا، رواں کیسے کروں میں |
| اک ضعف نے جکڑا ہے یا ہوں سحر سے خاموش |
| گر آہ نہ نکلے تو فغاں کیسے کروں میں |
| اک آگ میں رہتا ہوں وہ قربت ہو کہ فرقت |
| اک آگ میں دوجی کو دھواں کیسے کروں میں |
| بکھرا ہوں خدائوں میں اور الجھ گیا ہوں |
| کس کس کی عبادت کو، کہاں؟، کیسے کروں میں؟ |
| گر شعلہ ہے تو کیسے میں دامن میں سمیٹوں؟ |
| گر نکہت گل ہے تو بیاں کیسے کروں میں؟ |
معلومات