| آیا ہے جب بھی سامنے بہتر لکھا ہوا |
| دل نے سدا پڑھا ہے بہتر لکھا ہوا |
| دل پہ ہے میرے ماتمِ سرور لکھا ہوا |
| عشقِ علی ہے دل کے ورق پر لکھا ہوا |
| تکتے ہیں اس کو دور سے دنیا کے رنج وغم |
| جس کی جبیں پہ ہو غمِ سرور لکھا ہوا |
| آیا ہے شام شر سے سوئے صبح خیر حُر |
| اس کا بھی نام تھا سر محضر لکھا ہوا |
| ابھرے ہیں نقشں طوق و سلاسل خیال میں |
| دیکھا کہیں جو عابد مضطر لکھا ہوا |
| بے شیر کے خیال نے روکا میرا قلم |
| کاغذ پر رہ گیا ہے گلِ ترلکھاہوا |
| آئے گی ذوالفقار کے ہمراہ وہ بھی تیغ |
| ہے جس پہ آروزئے دلاور لکھا ہوا |
| حیران ہیں فرشتے ورق سادہ دیکھ کر |
| پہلے تھا جس پہ جرم سراسر لکھا ہوا |
| فطرس کو ناز کیوں نہ ہو اپنی اُڑان پر |
| شہ کی عطا ہے اس کے پروں پر لکھا ہوا |
| زہرا نے سجدہ بس اسی دہلیز پر کیا |
| جس در پہ دیکھا بنتِ پیمبر لکھا ہوا |
| بڑھ کر نصیریوں نے وہیں پر لکھا خدا |
| پایا جہاں بھی حیدر سفدر لکھا ہوا |
| صدیوں کو ایک لمحے نے محروم کر دیا |
| ورنہ دکھاتے حرفِ پیمبر لکھا ہوا |
| لائے ہو یوں عطش کے جزیرے پر فکرِ آب |
| جیسے کہ ریت پر ہو سمندر لیکھا ہوا |
| رکھتے ہین جو عقیدہ وہ تحریر کرتے ہیں |
| پڑھتے ہیں آکے بر سر منبر لکھاہوا |
| پھر بھی ہے شیخ تم کو تبرے سے اجتناب |
| قرآن میں ہے جبکہ سراسر لکھاہوا |
| محتاط حرف حرف پہ رہنا یہاں ظہیر |
| آئے گا سامنے سر محشر لکھا ہوا |
معلومات