| فیض کعبے سے آتا ہے دل میں مرے |
| ہو کے روضے سے آتا ہے دل میں مرے |
| فیض روضے سے پھر مرشدِ پاک کے |
| ہو کے سینے سے آتا ہے دل میں مرے |
| نسبتیں ہیں مری راستہ فیض کا |
| جو وسیلے سے آتا ہے دل میں مرے |
| ہے زمیں سے فلک تک مرا رابطہ |
| فیض زینے سے آتا ہے دل میں مرے |
| اک خزینہ ہے قرآن اور فیض یہ |
| اس خزینے سے آتا ہے دل میں مرے |
| سبز گنبد نگینہ ہے اور نور یہ |
| اس نگینے سے آتا ہے دل میں مرے |
| قلب روشن مرا ہے اسی نور سے |
| جو مدینے سے آتا ہے دل میں مرے |
معلومات