| جب فقط ڈھانے کو مسجد کی عمارت رہ گئی |
| کون کہتا ہے کہ ایماں کی تجارت رہ گئی |
| ہے مگر ان کو غرض کرسی پہ اب بیٹھے گا کون |
| سرخرو ہو کر بھی کس کس کی وزارت رہ گئی |
| ایک دوجے کے لئے عبرت کا باعث تو ہوئے |
| ہاں مگر حق بات کہنے کی جسارت رہ گئی |
| دیں کی غیرت کے لئے اٹھتا نہیں کوئی سوال |
| زندگی کی کیا کہیں باقی حرارت رہ گئی |
| دھجّیاں اڑتی ہیں ایوانوں میں اس کی آئے دن |
| اب فقط آئین کی باقی عبارت رہ گئی |
| ہو گیا جمہوریت کے نام سے اتنا مذاق |
| توڑنے کو ملک باقی کیا شرارت رہ گئی |
| خون کے آنسو رلاتی ہے انہیں یہ داستاں |
| جن کے آبا کی سبھی محنت اکارت رہ گئی |
| وہ دعا کرتے ہیں طارق جو وطن کے خیر خواہ |
| ہیں بہت تھوڑے مگر جن میں بصارت رہ گئی |
معلومات