آنکھ کھلتے ہی سبھی خواب بکھر جاتے ہیں |
اک نئی صبح کی سوچ آتے ہی ڈر جاتے ہیں |
اب اگر ان سے ملو گے تو یہ کہنا ہم بھی |
دیکھ کر بھی انہیں ان دیکھا گزر جاتے ہیں |
دل جو مرتا ہے تو بس دل ہی نہیں مر جا تا |
دل میں پوشیدہ کئی خواب بھی مر جاتے ہیں |
ہم بھی سیکھ آئے ہیں خودداری جفا کے گھر سے |
اب اٹھاتے نہیں آنسو جو بھی گر جاتے ہیں |
زندگی بھر میں فقط ایک یہ سیکھا ہم نے |
ایک بس رب کے سوا سارے مکر جاتے ہیں |
زندہ مردوں کو جو دیکھا تو سمجھ آئی کہ |
عشق کی رہ پہ قدم رکھتے ہی مر جاتے ہیں |
کوئی بھی ساتھ ہمارے نہیں جاتا راہی |
ساتھ اعمال ہی جاتے ہیں اگر جاتے ہیں |
معلومات