| وہ شکل تھی خواب سی کوئی خواب تھا جنوں سا |
| یا وہ حقیقت تھی یا یونہی چھایا تھا فسوں سا |
| نہ وقت کے ساتھ درد کی شورشیں ہوئی کم |
| وہی فسانہ ہے برپا گزرے ہوئے دنوں سا |
| وہ کون تھا میرا کیا مراسم تھے میرے اس سے |
| کسے کہیں کون سمجھے یارانہ دشمنوں سا |
| وہ جسکو ہر آرزُو سے بیگانہ کر دیا ہے |
| وہ دیکھ کن جنگلوں میں پھرتا ہے پاگلوں سا |
| وہ تیری نگری تھی یا کوئی دشت وحشتوں سا |
| کہیں وہ موسم ملا نہیں دل کی وادیوں سا |
| جنوں کے صحرا میں وقت کی ریت پر لہو سے |
| خدا نے کھینچا ہے نقشہ اجڑے ہوئے دلوں سا |
| میں سمجھا تھا جتنے بھی تھے سب لوگ مر گئے ہیں |
| یہ کون چھیڑے ہوئے ہیں یوں ساز سسکیوں سا |
| گلی گلی سرخ ہے یہاں کوچہ کوچہ ہے خوں |
| کہ میرے اس شہر کا بھی ہے حال مقتلوں سا |
معلومات