| آ تجھ کو دکھاؤں، دلِ بیتابِ نظارا |
| اس قوم کو تسخیر کیا جس نے جہاں را |
| اب بحرِ مسلماں میں نہیں جوش و تلاطم |
| آشوبِ قیامت سے ہے محروم کنارا |
| نہ ان کے جوانوں میں ہی اب عزم و جنوں ہے |
| پِیروں میں بھی باقی نہ رہا جوہرِ دارا |
| تعلیم و تجارت میں سیاست میں ہے پیچھے |
| گردش میں ہے تقدیرِ مسلماں کا ستارا |
| غافل ہو جہاں مذہب و ملت کا نگہباں |
| اسلام و مسلماں کا وہاں کون سہارا |
| فرسودہ تخیل ہے مسلماں کا مگر اب |
| پَیروں میں کبھی ہوتا تھا تاجِ سرِ دارا |
| ہے سوزِ دروں سرد جہاں میں تو اسی کا |
| ہوتا تھا کبھی شعلہ فشاں جس کا شرارا |
| ہو اوجِ ثریا پہ مسلماں کی نگہ کیوں |
| اقوامِ جہاں کو یہ مگر کیوں ہو گوارا |
| دے کر کہ اسے خاک نشینی کا تصور |
| قوموں نے اسے بامِ تخیل سے اتارا |
| ہے بارِ گراں دوشِ جواں پر ترے شاہؔی |
| پھر لے جا اسے بامِ فلک پر تو خدارا |
معلومات