راتیں کیسے کَٹیں تیرے جانے کے بعد |
آئیں نیندیں نہیں تیرے جانے کے بعد |
ایک یلغار ہے میرے مابین میں |
کتنی جنگیں چِھڑیں تیرے جانے کے بعد |
اپنا ہوشوں سے بھی واسطہ چُھٹ گیا |
کیا فلک کیا زمیں تیرے جانے کے بعد |
کاش معلوم تجھ کو کبھی ہو سکے |
کتنی آہیں بھرِیں تیرے جانے کے بعد |
مسکرانے کی سمجھو کہ اب بس یہاں |
آس ہی رہ گئی تیرے جانے کے بعد |
جیسے مرجھائے پھولوں کو کچلا گیا |
ایسی خوشبو اٹھی تیرے جانے کے بعد |
میری قسمت ترے سارے وعدوں پہ پھر |
رات بھر تھی ہنسی تیرے جانے کے بعد |
تو تو جا کر بھی مجھ سے الگ نا ہوا |
تیری یادیں رہیں تیرے جانے کے بعد |
معلومات