| دور جدید میں سبھی معیار کھو گئے |
| اسلوب، حسن فلسفہ، اطوار کھو گئے |
| ممتاز تر عقائد و افکار کھو گئے |
| صد حیف، بیش قیمتی اقدار کھو گئے |
| پستی ہے قوم کی اسی میں مضمر و نہاں |
| فی الاصل صالحین کے کردار کھو گئے |
| اغیار ہو چلے متنفر طریق سے |
| غم خواری، عدل پروری، گفتار کھو گئے |
| شکوہ نہیں ہے شومئی تقدیر کا مگر |
| عزم الحیاۃ، جستجو، رفتار کھو گئے |
| داخل کے خلفشار نے ٹکڑے کیا ہمیں |
| سیسہ پلائی آہنی دیوار کھو گئے |
| بے التفاتی، بے حسی ناصؔر سبب ہوا |
| بے دھیانی، بے شعوری میں شہکار کھو گئے |
معلومات