| محمد کا جب ہم جنم دیکھتے ہیں |
| تو کعبے میں گرتے صَنم دیکھتے ہیں |
| محمد نے جب دعوتِ دینِ حق دی |
| تو باطل کا جھکتا عَلَم دیکھتے ہیں |
| محمد نے تفریقِ انساں مٹائی |
| عرب میں عجم محترم دیکھتے ہیں |
| مدینے کے کفار حیران ہو کر |
| غلاموں کا جاہ و حشم دیکھتے ہیں |
| محمد کی انگشت کے معجزے سے |
| فلک پر قمر منقسم دیکھتے ہیں |
| ابوبکر فاروق عثماں علی میں |
| محمد کو ہم مرتسم دیکھتے ہیں |
| نہیں فکر محشر میں بخشش کی ان کو |
| جو لطفِ شفیعِ امم دیکھتے ہیں |
| محمد کی مدحت کی نعمت سحاب |
| خدا کی ہدایت کرم دیکھتے ہیں |
معلومات