| یہ محبت کی تھوڑی سی مقدار تھی |
| زندگی اس سے آگے کی حقدار تھی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| میرا مرنا تو بنتا تھا جانِ غزل |
| تیری آنکھوں کی دو دھاری تلوار تھی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جس کے جانے سے سب ختم ہونے لگا |
| وہ کہانی کا ایسا ہی کردار تھی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| خواہشِ زندگی مر گئی ایک دن |
| جو ہمیشہ غریبوں کی غمخوار تھی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ڈائری سے غزل کاٹ دی میں نے وہ |
| جس میں بھرتی کے لفظوں کی بھرمار تھی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| شاہزادی کو تم نے نکالا عبث |
| مرکزی وہ کہانی کا کردار تھی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جس کو دنیا سمجھتا تھا میں خواب کی |
| درحقیقت وہی میرا سنسار تھی |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| غم بچھڑنے کا اپنوں سے تھا اس قدر |
| اس لئے زندگی مانی دشوار تھی |
معلومات