| راہ چلتے ہوئے جب یار پھسل جاتا ہوں |
| پھر دعا آتی ہے امّی کی سنبھل جاتا ہوں |
| جس کہانی کا میں ہوتا ہوں اضافی کردار |
| خود ہی میں ایسی کہانی سے نکل جاتا ہوں |
| اپنے زخموں کی نمائش نہیں ہوتی مجھ سے |
| خود تڑپتا ہوں میں روتا ہوں بہل جاتا ہوں |
| مجھ کو آواز لگاتا ہے خوشی ہوتی ہے |
| جب وہ کہتا ہے محبت سے مچل جاتا ہوں |
| آپ کا نام کسی اور سے منسوب بھی ہو |
| یہ گماں آتا ہے جب مجھ کو میں جل جاتا ہوں |
| جس کی آنکھوں کو کھٹکتا ہے مرا ہونا بھی |
| اسکی نظروں سے بہت دور میں چل جاتا ہوں |
| کوئی تبدیلی نئی ہوتی نہیں خالد میں |
| پھر بھی لگتا ہے میں ہر روز بدل جاتا ہوں |
معلومات