| کچھ اس طرح سے وہ رسمِ وفا نبھاتی ہے |
| کہ ایک زخم نیا آئے دن لگاتی ہے |
| یہ بے قرار طبیعت جدا کرے سب سے |
| یہ بے قرار طبیعت ستم بھی ڈھاتی ہے |
| تلاشِ رزق میں کٹتا ہے سارا دن میرا |
| پھر اس کی یاد سرِ شام سر اٹھاتی ہے |
| وفا کے نام پہ دھوکا دیا اسے میں نے |
| یہ بات دل کو مسلسل مرے رلاتی ہے |
| ضرور کیجیے عزمِ وفا، مگر دیکھو |
| وفا سزائیں نئی سے نئی سناتی ہے |
| شبِ وصال سے یوں بھی مری نہیں بنتی |
| یہ آئے جب بھی، تماشہ بنا کے جاتی ہے |
| (ڈاکٹر دبیر عباس سید) |
معلومات