| بچپن وچ سُنیا ویکھیا سی |
| جن کسے نُوں جد چمڑ جاندا سی |
| بندے اندر وڑ ظلم بڑے ٹہاندا سی |
| فیر اک بابا دم پاون لئی آ جاندا سی |
| او پڑھ کلام جن نُوں بہت ڈراندا سی |
| جن معافی منگ کے جان چھڑاندا سی |
| بندے اندروں وعدہ کر نس جاندا سے |
| نکلن دی او کوئی نشانی دے جاندا سی |
| رُکھ کسے دا ڈاہلا ٹٹ جاندا سی |
| سوچ رہیا واں کنے وریاں توں |
| کنے جن پاکستان نوں چمڑے نیں |
| ہُن تے کوئی دم والا بابا وی نہیں |
| بندے مورے بے فکرے نیں |
| سُن کر پاکستان دیاں پیڑاں افری |
| پڑھ کلام آپے میں دم کرنا واں |
| مڑ مڑ افری رُکھاں نُوں تکنا واں |
معلومات