| جُڑا جب نامِ احمد سے عجب دل نے کرم پایا |
| خودی خود آشنا پایا سبھی کچھ خود میں ضم پایا |
| ضمیرِ بے خودی نے پیارے احمد کو بلم پایا |
| بقایہ ساری ہستی کو خودی نے کَالْعدم پایا |
| خودی نے اسمِ احمد دل پہ جب سے ہے رقم پایا |
| "سیاہی ہو گئی نایاب اگر ہم نے قلم پایا" |
| سرورِ عشقِ احمد سے دلِ عارف جنم پایا |
| سكوتِ عشقِ احمد سے دلِ كعبه حرم پایا |
| دلِ شُنوا نے جب احمد کو جامِعُ الْكَلَم پایا |
| كلامِ رمزِ عرفانی كو تب دل نے اَتَم پایا |
| معادِن علمِ كوثر، فاش احمد سے ہوئے دل پر |
| معارف كشفِ دل نے علمِ عشقِ ذی حشم پایا |
| ذکیؔ خود سے خدا نزدیک ہم نے پالیا کیوں کہ |
| ہمیں بس عشقِ احمد نے سرِ تسلیمِ خم پایا |
معلومات