| قرآں میں جا بجا ہیں، ترانے حبیب کے |
| روشن سدا رہیں گے، زمانے حبیب کے |
| جاری ثنائے خواجہ ہے، اس کائنات میں |
| مضرابِ نبضِ خلق، بہانے حبیب کے |
| چومے قدم حضور کے، عرشِ عُلیٰ نے یوں |
| ثابت ہیں اوجِ لامکاں، جانے حبیب کے |
| اک جستِ شوق سے ہوئے، وہ فاصلے تمام |
| قصرِ دنیٰ نے دیکھے ہیں، آنے حبیب کے |
| مُسَلَّم ہے کن سے اولیٰ یہ، نورِ مبین تھا |
| جانے خدا تمام، ٹھکانے حبیب کے |
| سمجھی نہیں خرد نے، حقیقت محمدی |
| کب خلق نے ہیں مرتبے، جانے حبیب کے |
| جاری ہے فیض مصطفیٰ، کونین میں دوام |
| بھرتا سدا خدا ہے، خزانے حبیب کے |
| اعلیٰ تریں شرف میں ہیں، اجدادِ دلربا |
| اونچے ہیں اعلیٰ تر سے، گھرانے حبیب کے |
| تاباں خدا نے کر دیے، اوصافِ مصطفیٰ |
| محمود! رازِ یزداں، زمانے حبیب کے |
معلومات