| ستمگری کا تماشا لگائے رکھتے ہو |
| مجھے کیوں اپنا نشانہ بنائے رکھتے ہو |
| ارادہ کیا ہے تمھارا کہ چاہتے کیا ہو |
| زمین ساری جو سر پر اٹھائے رکھتے ہو |
| سزاؤں میں بھی سزا سخت دیتے ہو مجھ کو |
| رقیب سامنے میرے بلائے رکھتے ہو |
| ملے گا تم کو صلہ مجھکو یوں ستانے کا |
| سخن سے اپنے جو مجھکو جلائے رکھتے ہو |
| مری یہ سوزِ تمنا کی آگ بجھ جائے |
| عجیب آس جو مجھ سے لگائے رکھتے ہو |
| کبھی وہ وقت تھا فرصت نہ تھی محبت سے |
| ابھی یہ وقت ہے سب کچھ بھلائے رکھتے ہو |
| عیاں ہے رخ سے ترے داستاں زمانوں کی |
| جو نقش ہم نے بنائے چھپائے رکھتے ہو |
| فقط جو ہم نے بنے خواب وصل کے یارا |
| ہماری آس کو تم کیوں مٹائے رکھتے ہو |
| تجھے ہمایوں ملے گی نہ کوئی منزل پھر |
| کیوں اپنے خواب سہانے سجائے رکھتے ہو |
| ہمایوں |
معلومات