| حبیبِ ذاتِ واحد ہیں نبی میرے نبی میرے |
| وہی حق کے جو قاصد ہیں نبی میرے نبی میرے |
| وہ لائے بحرِ ظلمت میں فروزاں دیپ ایماں کا |
| وفورِ کفر کا رد ہیں نبی میرے نبی میرے |
| وہ ہی ایمان کے داتا، انہی سے کرنیں ایقاں کی |
| فصیلِ شرک پر زد ہیں نبی میرے نبی میرے |
| انہی سے خلقِ مولا کو ملی تعلیم قرآں کی |
| خُلق میں آخری حد ہیں نبی میرے نبی میرے |
| حُسیں جس اعلیٰ عترت نے کھلائے گل ہیں کربل میں |
| بنے اس آل کے جد ہیں نبی میرے نبی میرے |
| عُلیٰ اُن کے جو رتبے ہیں عُلو تحتِ قدم اُن کے |
| جو جانیں عشق کی مد ہیں نبی میرے نبی میرے |
| ہیں بخشی اُن کو مولا نے دنیٰ کی خلوتیں محمود |
| خدا کے پیارے شاہد ہیں نبی میرے نبی میرے |
معلومات