محبت میں دھوکے بھی کھائیں گے ہمدم |
دلوں کی یہ باتیں چھپائیں گے ہمدم |
مرا دل رہا جو نہ قابو میں میرے |
گلی میں تری یوں ہی جائیں گے ہمدم |
خبر جو ملے گی کہ آئیں گے دلبر |
تو گلشن بھی اپنا سجائیں گے ہمدم |
محبت میں مجنوں ہوئے تو قسم سے |
کہانی یہ تیری چھپائیں گے ہمدم |
کبھی بات عزت پہ آئی جو تیری |
اسے جاں بھی دے کر بچائیں گے ہمدم |
کبھی تم کو دیکھا جو موجوں سے لڑتے |
بھنور میں بھی جا کر دکھائیں گے ہمدم |
کبھی جاں سے تجھ کو گزرنے نہ دیں گے |
گلے موت کو ہم لگائیں گے ہمدم |
لگاجو پتا کے یہ رستہ ہے تیرا |
یہ پلکیں وہاں ہم بچھائیں گے ہمدم |
ترے عشق میں ہم جو بے خود ہوئے تو |
خوشی سے ہی پاگل ہو جائیں گے ہمدم |
یہ دنیا جو رہنے کے قابل رہی نا |
ستاروں پہ مسکن بنائیں گے ہمدم |
معلومات