| اِک اور بَلا پِیچھے بھی تھی |
| تھی آگے بھی اِک اور بَلا |
| وہ شَخْص کِسی کا ہو بھی گیا |
| ہَم لاتے رَہے آداب بَجا |
| آنکھوں پَہ سَدا پَٹّی ہی رَہی |
| تَب عِلْم ہُوا جَب رَاز کُھلا |
| جو بات کَہی، جو حَرْف لِکھا |
| تَصدِیق شُدَہ، تَصدِیق شُدَہ |
| ساغر اِک ایسا شاعر تھا |
| بے تاب جِیا، بے مَوت مَرا |
| کیا جَل تَھل، جَل تَھل مَوسَم ہے |
| ہیں کھیت ہَرے، کَھلیان ہَرا |
| وہ ظُلْم کہ جو اِک بار ہُوا |
| وہ بَعْد میں بھی ہوتا ہی رَہا |
| بُھولے ہی نہیں وہ لوگ بَھلے |
| بُھولا ہی نہیں وہ وَقْت کَڑا |
| (مرزا رضی اُلرّحمان) |
معلومات