| الطافِ مصطفیٰ کی خوشیاں منا رہے ہیں |
| آمد ہے دلربا کی جو نغمے گا رہے ہیں |
| خوشیوں کے ہیں یہ موتی آئے جو آنکھ میں اب |
| ان کی ثنا یہ آنسو ایسے سنا رہے ہیں |
| دل چاہے نیند آئے ان کے گلستاں میں پھر |
| آواز آئے آ جا دلبر بلا رہے ہیں |
| درماں حزیں کے دکھ کا ہے مصطفیٰ کے در پر |
| اے کاش کہہ سکیں ہم بطحا کو جا رہے ہیں |
| باراں ہیں رحمتوں کے یادوں کے ساتھ آئے |
| جو نعمتیں ملی ہیں سب کو بتا رہے ہیں |
| اے بادِ طیبہ لے تو ہی پیام میرا |
| پھر آ کے یہ بتانا آقا بلا رہے ہیں |
| محمود شکر کر تو احسانِ مصطفیٰ کا |
| افراد کل جہاں کے خوشیاں منا رہے ہیں |
معلومات