| جب بھی درد کہانی لِکھنا |
| بوجھ سے چُور جوانی لکِھنا |
| اُس کے چہرے کی شادابی |
| میری آنکھ کا پانی لکِھنا |
| جب بھی لکِھنا مُجھ کو ساجن |
| بس اپنی دیوانی لکِھنا |
| پھول کتابیں خوشبو منظر |
| تم ہر ایک نشانی لکھنا |
| مجھ کو دن کا راجہ کہنا |
| خود کو رات کی رانی لکھنا |
| اُس کو سوچنا سوچتے رہنا |
| سوچوں کو لاثانی لِکھنا |
| میرے نام بھی اپنے دل پر |
| کوئی شام سہانی لکھنا |
| جس سے پیار کہانی پُھوٹی |
| مانؔی شاخ پرانی لِکھنا |
معلومات