| پیغام کبریا سے لائے ہیں مصطفٰی |
| بھیجے ہوئے خدا کے آئے ہیں مصطفٰی |
| شاہد ہیں وہ خدا کے میرے رسول ہیں |
| قل ہے پیامِ ربی دیتے رسول ہیں |
| اُن پر درود لاکھوں اُن پر سلام ہیں |
| دل جاں فدا اُنہی پر اُن کے غلام ہیں |
| اُن کے ورود سے ہیں روشن جہاں ہوئے |
| کونین اُن سے نوری تاباں زماں ہوئے |
| انساں نے انساں بنناں سیکھا حبیب سے |
| تہذیب دیکھیں کیسی آئی لبیب سے |
| اُن کے کرم سے زندہ رہتی ہیں بیٹیاں |
| حصہ وراثتوں میں لیتی ہیں بیٹیاں |
| اعلیٰ دیا نبی نے مقصودِ زندگی |
| اول ہے جس میں سب سے مولا سے آگہی |
| آنے سے مصطفیٰ کے پہچان یہ ملی |
| ظلمت چَھٹی جہاں سے ہے شان یہ ملی |
| محمود خِلعتیں یوں امت کو مل گئیں |
| راہوں میں مشکلیں جو آنی تھیں ٹل گئیں |
معلومات