| شعر و سخن میں سب سے جدا نام آتا ہے میراجیؔ کا |
| اک دنیا سے ما وراء مقام آتا ہے میراجیؔ کا |
| آہ و نالہ، گریہ و زاری، میر تقی کے واویلے |
| معمولی ہیں، آگے کہرام آتا ہے میراجیؔ کا |
| شور، آشوب اکٹھے کر لو ذوقؔ و سوداؔ و غالبؔ کے |
| ایک طرف ان سب کے آرام آتا میراجیؔ کا |
| لیلیٰ، شیریں، عذرا، ہیر کئی اک مستانی ہوں گی |
| میراسین عجب فتنہ خرام آتا ہے میراجیؔ کا |
| جنسیات کو موضوع بنانا نا قابلِ عمل تھا |
| اس موضوعِ عمل میں اقدام آتا ہے میراجیؔ کا |
| دنیا دشمن ہو بھی جائے، جی سے بغاوت مت کرنا |
| عالمِ ارواح سے اک پیغام آتا ہے میراجیؔ کا |
| جسے دیکھو ایک جفائے خوباں کا رونا روتا ہے |
| اپنی ذات سے لینے انتقام آتا ہے میراجیؔ کا |
| اچھے ملبوسات پہن کر تم تو بالکل ننگے ہو |
| اور ننگے اجسام پہ الزام آتا ہے میراجیؔ کا |
| میراسین ہو، رات گئے تم چھت پہ نہانے چڑھتی ہو |
| اور خیال ہوں میں جو لبِ بام آتا ہے میراجیؔ کا |
| کانپ اٹھتی ہے نس نس روح، بال بال لرزتا ہے، جب |
| دل کے آئینے میں نظر انجام آتا ہے میراجیؔ کا |
| آنکھ جھکائے ننگے لوگوں میں رہنا کیا مشکل ہے |
| رشکِ حور بدن پر استحکام آتا ہے میراجیؔ کا |
| جامۂ جسمِ پری طلعت پر شبنم شبنم گرتے ہیں |
| پھول نچوڑو تب تو ہاتھ جام آتا ہے میراجیؔ کا |
| فرصت ہی فرصت ہے، ہم ہیں فرصت میں مصروف بہت |
| تنہاؔ بیٹھ کے پڑھتے ہیں، کلام آتا ہے میراجیؔ کا |
معلومات