| تیرا رُتبہ اعلیٰ, تیری شان برتر, یا عُمرؓ |
| ہاتھ اُٹھا کر مانگتے ہیں خود پَیمبر, یا عُمرؓ |
| پھر ہوئی تبلیغِ دیں بے خوف ہو کر, یا عُمرؓ |
| جس گھڑی تُو دین کو آیا مُیَسَّر, یا عُمرؓ |
| اہلِ فِتنہ کے دِلوں پر تیغ و خنجر, یا عُمرؓ |
| حلقہِ کُفّار پر ہیبت کا منظر, یا عُمرؓ |
| قیصر و کسریٰ تِرے قدموں مِیں آ کر گِر پَڑے |
| واہ کیسا تُو نے پایا ہے مُقدر, یا عُمرؓ |
| تَھرتَھرا جاتے ہیں تیرا نام سُن کر اہلِ کُفر |
| آج بھی اِن کے دِلوں مِیں ہے تِرا ڈر, یا عُمرؓ |
| راہ اپنی چھوڑ دے شیطان جس کو دیکھ کر |
| کُل زَمانے مِیں ہُوا ایسا دِلاوَر, یا عُمرؓ |
| اِک عَجب تسکین ملتی ہے تمہارے نام سے |
| لمحہ لمحہ کہہ رَہا ہُوں مَیں بَرابر, یا عُمرؓ |
| حشر تک مجھ پر رَہے گی رحمتِ پروردگار |
| حشر تک شاہدؔ رَہے گا میرے لب پر, یا عُمرؓ |
| محمدشاہدؔعلی صابری |
معلومات