رقم ہو کس طرح ہم سے بھلا رتبہ محمدﷺ کا |
خدا خود کر رہا ہے دیکھ لو چرچا محمدﷺ کا |
نبیﷺکو مالکِ کون و مکاں رب نے بنایا ہے |
ملائک بانٹتے گھر گھر میں ہیں صدقہ محمدﷺ کا |
فلک کا چاند بھی نظریں جھکا کے جگمگاتا ہے |
چمکتا جب سے دیکھا ہے حسیں چہرہ محمدﷺ کا |
فرشتے دیکھنے آتے قسم سے کعبے کا کعبہ |
عدن سے خوبصورت ہے سنو! روضہ محمدﷺ کا |
زنانِ مصر نے یوسف پہ کاٹی انگلیاں لیکن |
ادھر سر ہی کٹا دیتا جو ہے شیدا محمدﷺ کا |
بلندی پر مِری قسمت کا تارا جگمگاتا ہے |
زباں پر دیکھ لو! جب سے سجا نغمہ محمدﷺ کا |
جنازے کو سجا کے اس لئے مدفن کو لے جاتے |
وہ دیکھے گا تصدق قبر میں جلوہ محمدﷺ کا |
معلومات