| اب یہاں پر ہمارا گزارا نہیں |
| غیر ہیں سب کوئی بھی ہمارا نہیں |
| یاد رکھنا اگر مجھ کو تم چھوڑ دو |
| میں اکیلا سہی بے سہارا نہیں |
| ہر سمندر کے ہوتے ہیں ساحل یہاں |
| بحرِ غم کا مرے پر کنارا نہیں |
| تھا انا کا بنا مسئلہ اس لیے |
| تجھ کو سوچا بہت پر پکارا نہیں |
| بھیک الفت کی تم دیتے ہو کیوں بھلا |
| ہم نے دامن تو اپنا پسارا نہیں |
| لائی ہے زندگی مجھ کو اس موڑ پر |
| تیرے غم کا بھی مجھ کو سہارا نہیں |
| تو محبت کو احسنؔ یہیں چھوڑ دے |
| عمر بھر کا ستم گر گوارا نہیں |
معلومات