| کملی والے تری شان عالی ہوئی |
| ساری مخلوق تیری سوالی ہوئی |
| مل گیا مجھ کو مانگا ترے در سے جو |
| جب بھی آقا مری خستہ حالی ہوئی |
| تیری آمد سے مکہ مکرم ہوا |
| شان کعبہ جہاں میں نرالی ہوئی |
| مل گیا اک حرم خاک بطحا تجھے |
| مصطفی والی سے الله والی ہوئی |
| جب سے لکھتا ہوں نعتیں نبی جی کی میں |
| تب سے گھر میں بڑی خو شحالی ہوئی |
| پیارے آقا نے کملی میں یوں دی پناہ |
| جب بھی غم کی گھٹا سر پہ کالی ہوئی |
| گیت گائے نہ کیوں یہ عتیق آپ کے |
| بھردی جھولی مری جب بھی خالی ہوئی |
معلومات