| آنکھ میں کب تلک نمی ہوگی؟ |
| عمر بھر کیا تِری کمی ہوگی؟ |
| مرتے دم تک خوشی کو ترسوں گا؟ |
| یعنی ہونٹوں پہ خامشی ہوگی؟ |
| ظلمتوں میں بجائے دیپک کے |
| دل جلا نے سے روشنی ہوگی؟ |
| میرے ہمدم دعا نہ دے ایسی |
| تیرے بن نار زندگی ہوگی |
| پیار میں کون ایسے کہتا ہے |
| سوجھی شاید تمھیں ہنسی ہوگی |
| قبلہ گر رُوٹھ جائے زاہد سے |
| خاک کیا اس کی بندگی ہوگی |
| چھین مت مجھ سے حق محبت کا |
| ورنہ آہ عرش تک گئی ہوگی |
| تو بھی مجھ سے بچھڑ کے روئے گا |
| دِل میں تیرے بھی کھلبلی ہوگی |
| دل نہیں گھر خدا کا توڑا ہے |
| سخت تیری گرفتگی ہوگی |
| بھیک مت مانگ پیار کی زیدؔی |
| کیا عطا شے کی چاشنی ہوگی |
معلومات