زمیں خوبصورت سما خوبصورت |
مدینے کی ساری فضا خوبصورت |
خدا تجھ کو رکھے ہمیشہ سلامت |
مِری ماں کے لب کی دعا خوبصورت |
مجھے بھی بنالو مدینے کا قیدی |
ملے کوئی ایسی سزا خوبصورت |
دیارِ محمد کا منظر نہ پوچھو! |
درِ مصطفیٰ کی ہوا خوبصورت |
مریضو! چلو جانبِ کوئے طیبہ |
مدینے میں ملتی شفا خوبصورت |
وہ جنت میں جائیں گے اک دن یقیناً |
جو کرتے نبی سے وفا خوبصورت |
بلاوا مدینے سے آیا تصدق! |
سنوں کاش ایسی صدا خوبصورت |
معلومات