| خود ہی تجھ کو میں بناتا اور پھر خود ہی مٹاتا ہوں |
| دیکھو تو کس سادگی سے دل کو میں پاگل بناتا ہوں |
| مجھ کو تیرے شہر کے لوگوں سے جانے کیا شکایت ہے |
| کتنا ظالم ہوں جو بھی ملتا ہے اس کا دل دکھاتا ہوں |
| کوئی وعدہ تو کرو اک وعدے پر عمریں گزرتی ہیں |
| دشمنی ہو دوستی ہو جو بھی ہو دل سے نبھاتا ہوں |
| شام ہی سے رہتا ہوں مصروف اپنے کام میں جاناں |
| رات تجھ کو یاد کر کر کے بہت دل کو ستاتا ہوں |
| خود سے گر کچھ بے خبر ہوں تجھ سے لیکن با خبر ہوں میں |
| عالمِ خود رفتگی میں بھی ترا نقشہ بناتا ہوں |
| اس جہاں میں جب ترا کوئی نشاں تک بھی نہیں ملتا |
| پھر تجھے پوشیدہ اپنے دل کے ویرانے میں پاتا ہوں |
| دیکھ لو جانم تری فرقت میں کیسا حال ہے اب تو |
| خود ہی سے کر تا ہوں شکوہ خود ہی سے میں روٹھ جاتا ہوں |
معلومات