| اللہ کا نور اُترا، جب ماہِ رجب آیا |
| چمکا ہے جَہاں سارا، جب ماہِ رجب آیا |
| ایمان ہوا تازہ، جب ماہِ رجب آیا |
| نغمہ خوشی کا گایا، جب ماہِ رجب آیا |
| حیدر کی ولادت کا حیدر کی سیادت کا |
| ہر سمت ہوا چرچا، جب ماہِ رجب آیا |
| ہر سُو پَڑی ہے چہکار، قدسی بھی ہُوے سرشار |
| یہ کون ہوا پیدا، جب ماہِ رجب آیا |
| برسائے گئے گوہر، پیدا ہو گئے حیدرؑ |
| اللہ کا گھر جھوما، جب ماہِ رجب آیا |
| کعبے کو ملی عظمت، مومن کو ملی نعمت |
| آقاؐ نے اَخی پایا، جب ماہِ رجب آیا |
| آقاؐ کی زباں کا لمس حیدرؑ کو ملا شاہدؔ |
| منظر تھا حَسیں کیسا، جب ماہِ رجب آیا |
| وہ وقتِ وصال آیا اللہُ محمدؐ کا |
| چَمّکی ہے شَبِ اَسْریٰ، جب ماہِ رجب آیا |
| انوارِ خدا برسے، نَفْحاتِ جِناں اُٹّھے |
| دُلْہا بَنے ہیں آقاؐ، جب ماہِ رجب آیا |
| اجمیر ہوا روشن, خواجہؓ نے دِیا درشن |
| خوشیوں کا سَماں لایا، جب ماہِ رجب آیا |
معلومات