| کیسا ہے اضطراب آنکھوں میں |
| کیوں ہیں مہکے گلاب آنکھوں میں |
| گم ہیں آنکھیں کبھی کتابوں میں |
| ہے کبھی گم کتاب آنکھوں میں |
| چاند آتا ہے دیکھنے چھت پر |
| ڈھونڈتا ہے جواب آنکھوں میں |
| جان جاتا ہے رت جگوں سے وہ |
| عشق کا ہے عذاب آنکھوں میں |
| جان کے وہ سبب یہ کہتا ہے |
| آ بسے ہیں جناب آنکھوں میں |
| کر میں انکار بھی نہیں پاتا |
| اک نہیں اس کی تاب آنکھوں میں |
| اشک لکھتے کہانی ہیں شاہد |
| بند ہیں جن کے باب آنکھوں میں |
معلومات