| دھیرے سے زیرِ لب ہی یوں مسکائیے نہیں |
| دادِ سُخن بھی دیجئے شرمائیے نہیں |
| کس کو پتہ چلے گا اگر بول ہی نہ پائے |
| ہم کو وہ کہہ رہے ہیں کہ سمجھا ئیے نہیں |
| خود اپنے آپ آئے جو کر لیجئے قبول |
| دامن کسی کے سامنے پھیلا ئیے نہیں |
| ہم نے تو کام عقل سے لینے کی بات کی |
| اس بات کی طرف تو کبھی جائیے نہیں |
| مے خانے میں جو رات ملاقات ہو گئی |
| کھل پائے گا نہ راز یہ گھبرا ئیے نہیں |
| سُن کر دلیل بات مری مان جائیے |
| وعدے سے اپنے ایسے مُکر جائیے نہیں |
| بنتا کوئی جو کام ہو تو رخنہ ڈالئے |
| لیکن کسی کے کام ذرا آ ئیے نہیں |
| بوئی نہیں جو فصل زمیں پر چلا کے ہل |
| اس کو تو آسمان پہ بھی پائیے نہیں |
| بویا اگر نہ پیڑ ثمر دار کوئی یاں |
| پھل اس کا جاکے اگلے جہاں کھائیے نہیں |
| مشکل میں ہم ہی کام آ ئے آپ کے جناب |
| لیکن کسی کو بات یہ بتلا ئیے نہیں |
| یہ فتویٰ بازی آپ کا تو کاروبار ہے |
| کافر قرار دے کے ستم ڈھا ئیے نہیں |
| کہتے یہ چاند سے رہے روشن تمام رات |
| یوں تیرھویں کی رات کو گہنائیے نہیں |
| لایا نہیں ہوں حرفِ شکایت زبان پر |
| منہ بات بات پر مرا کھلوا ئیے نہیں |
| جھنجوڑنے کی دیں گے وہ طارق کڑی سزا |
| رہنے دیں محوِ خواب انہیں اٹھّا ئیے نہیں |
معلومات